Xornada "Oportunidades de financiamento para Pemes en Programas de I+D+i internacionais"

A Axencia Galega de Innovación organiza a xornada "Oportunidades de financiamento para Pemes en Programas de I+D+i internacionais" o vindeiro mércoles 19 de decembro na Sede da EGAP, en Santiago de Compostela. O obxectivo desta xornada é informar ás PeMEs sobre os programas de I+D+i dispoñibles a nivel internacional, como poden ser EUREKA, Eurostars e os programas bilaterais xestionados polo CDTI. Asimesmo, ao finalizar a xornada, os participantes terán ocasión de entrevistarse de forma bilateral cun experto do Nodo da Rede I+D+i para plantexarlle ideas de proxecto, facer consultas ou resolver dúbidas concretas.

Por motivos de aforo é necesaria inscripción a través do formulario habilitado a tal efecto.

Evolución do Convenio de Colaboración Cluster TIC Galicia - Vindeira

No marco do Comité Executivo de Vindeira estase a analizar a ampliación do alcance do actual Convenio entre o Cluster TIC Galicia e a Plataforma co fin de colaborar máis estreitamente, permitindo así a participación de maneira activa de Centros Tecnolóxicos e Grupos de I+D no Cluster TIC Galicia.

O plantexamento que está sendo obxecto de análise céntrase fundamentalmente no desenvolvemento da Axenda Estratéxica de I+D, a promoción de Start-ups a través da iniciativa Vindeira Capital Network e a posible integración de Vindeira dentro da estrutura do Cluster TIC Galicia.

O citado plantexamento someterase a aprobación en Asemblea a comezos do vindeiro ano.